1868 ആഗസ്റ്റ് 18- ഫ്രഞ്ച് ജ്യോതിശാസ്ത്രജ്ഞനായ പിയറി ജാൻസെൻ ഹീലിയം കണ്ടെത്തി
ഫ്രഞ്ച് ജ്യോതിശാസ്ത്രജ്ഞനായ പിയറി ജാൻസൻ (Pierre Janssen) ഇന്ത്യയിലെ ഗുണ്ടൂരിൽ 1868 ഓഗസ്റ്റ് 18ന് നടന്ന പൂർണ്ണ സൂര്യഗ്രഹണം നിരീക്ഷിക്കുകയും, അതെ തുടർന്ന് സൂര്യഗ്രഹണ സമയത്ത് അദ്ദേഹം സ്പെക്ട്രോസ്കോപ്പ് ഉപയോഗിച്ച് സൂര്യന്റെ പ്രകാശം പഠിക്കുമ്പോൾ, മുമ്പ് അറിയപ്പെടാത്ത ഒരു മഞ്ഞ നിറത്തിലുള്ള സ്പെക്ട്രൽ രേഖ കണ്ടെത്തുവാൻ ഇടയായി. പിന്നീട് ഈ രേഖ ഹീലിയം (Helium) എന്ന മൂലകത്തിന്റേതാണെന്ന് തിരിച്ചറിഞ്ഞു. ഈ രേഖയ്ക്ക് ഏകദേശം 587.49 നാനോമീറ്റർ തരംഗദൈർഘ്യമുണ്ടായിരുന്നു.
ഹീലിയം എന്ന പേര് ഗ്രീക്ക് പദമായ “Helios” (സൂര്യൻ) എന്നതിൽ നിന്നാണ് വന്നത്. പ്രത്യേകിച്ച് ശ്രദ്ധേയമായ കാര്യം, ഭൂമിയിൽ കണ്ടെത്തുന്നതിന് മുമ്പ് സൂര്യനിൽ കണ്ടെത്തിയ ആദ്യത്തെ മൂലകമാണ് ഹീലിയം. അതുകൊണ്ട് ഓഗസ്റ്റ് 18 പിയറി ജാൻസന്റെ ജീവിതത്തിലും ജ്യോതിശാസ്ത്ര ചരിത്രത്തിലും ഹീലിയത്തിന്റെ കണ്ടെത്തലുമായി ബന്ധപ്പെട്ട ഒരു പ്രധാന ദിവസമായി കണക്കാക്കപ്പെടുന്നു.
