(ആഗസ്റ്റ് August :12)
*വിശുദ്ധ യൂപ്ലിയസ് രക്തസാക്ഷി ദിനം*
സിസിലിയിലെ കാറ്റാനിയയിൽ നിന്നുള്ള വിശുദ്ധ യൂപ്ലിയസ് (Euplius).
AD 304 ഓഗസ്റ്റ് 12-ന്, ഡയോക്ലീഷ്യൻ ചക്രവർത്തിയുടെ ക്രൈസ്തവ പീഡനകാലത്ത് രക്തസാക്ഷിത്വം വരിച്ച ഒരു ക്രൈസ്തവ ഡീക്കനായിരുന്നു അദ്ദേഹം.
സുവിശേഷ ലേഖനങ്ങൾ കൈമാറുകയും കൈവശം വയ്ക്കുകയും ചെയ്യുന്നതിനെതിരായ സാമ്രാജ്യത്വ ഉത്തരവുകൾ നിലനിന്നിരുന്ന കാലത്ത്, സുവിശേഷഗ്രന്ഥം കൈവശം വച്ച് അത് വായിച്ചതിനാൽ യൂപ്ലിയസ് അറസ്റ്റിലായി. തുടർന്ന് കാറ്റാനിയയിലെ അധികാരിയായ കാൽവിസിയാനസിന്റെ (Calvisianus) മുമ്പാകെ കൊണ്ടുവന്നു.
അവിടെ അദ്ദേഹം താൻ ഒരു ക്രിസ്ത്യാനിയാണെന്ന് ധൈര്യത്തോടെ പ്രഖ്യാപിക്കുകയും അന്യദൈവങ്ങളെ ആരാധിക്കാൻ വിസമ്മതിക്കുകയും ചെയ്തു. സുവിശേഷത്തിൽ നിന്നുള്ള വചനങ്ങൾ പോലും അദ്ദേഹം അധികാരിയുടെ മുമ്പാകെ വായിച്ചതായി അദ്ദേഹത്തിന്റെ പുരാതന Acts രേഖ പറയുന്നു.
തുടർന്ന് അദ്ദേഹം കഠിനമായ പീഡനങ്ങൾക്ക് വിധേയനായി. ഒടുവിൽ മരണശിക്ഷ വിധിക്കപ്പെട്ടു. വധസ്ഥലത്തേക്ക് കൊണ്ടുപോകുമ്പോൾ സുവിശേഷപുസ്തകം അദ്ദേഹത്തിന്റെ കഴുത്തിൽ തൂക്കിയിരുന്നു. പ്രാർത്ഥിച്ചശേഷം അദ്ദേഹം വാളിന് കഴുത്ത് സമർപ്പിക്കുകയും AD 304 ഓഗസ്റ്റ് 12-ന് ശിരഛേദം ചെയ്യപ്പെടുകയും ചെയ്തു.
*പൊതുലോകം*
*അന്താരാഷ്ട്ര യുവജനദിനം (International Youth Day):* യുവജനങ്ങളുടെ പ്രശ്നങ്ങളിൽ ലോകത്തിന്റെ ശ്രദ്ധ തിരിക്കാനും അവരുടെ കഴിവുകളെ അംഗീകരിക്കാനുമായി എല്ലാ വർഷവും ഓഗസ്റ്റ് 12-ന് ഈ ദിനം ആചരിക്കുന്നു.
*ശാസ്ത്രപര സംഭവങ്ങൾ*
തോമസ് ആൽവ എഡിസൺ തന്റെ ആദ്യത്തെ ഫോണോഗ്രാഫ് (ഫോണോഗ്രാഫ് മാതൃക) പൂർത്തിയാക്കിയ ദിവസം.
