മാർത്തോമാ യുവജന സഖ്യം കൺവെൻഷൻ ഡാളസിൽ: ഒക്ടോ. 9 – 11 തീയതികളിൽ
ഡാളസ്: മാർത്തോമ്മാ ചർച്ച് ഓഫ് ഡാളസ് ഫാർമേഴ്സ് ബ്രാഞ്ചിന്റെ ആഭിമുഖ്യത്തിൽ ‘യുവജന സഖ്യം കൺവെൻഷൻ-2026’ ഒക്ടോബർ 9 വെള്ളി മുതൽ 11 ഞായർ വരെ തീയതികളിൽ ഡാളസ് ഫാർമേഴ്സ് ബ്രാഞ്ചിലെ മാർത്തോമ്മാ ചർച്ച് ഓഫ് ഡാളസ് ദേവാലയത്തിൽ (11550 Luna Rd, Farmers Branch, TX 75234) വെച്ചു നടക്കും. വേൾഡ് പീസ് മിഷൻ സ്ഥാപക ചെയർമാനും പ്രശസ്ത സംഗീത സംവിധായകനുമായ ഡോ. സണ്ണി സ്റ്റീഫൻ മുഖ്യാതിഥിയും പ്രഭാഷകനുമായിരിക്കും. ഒക്ടോബർ 9, 10 തീയതികളിൽ വൈകിട്ട് 6.30നും, ഒക്ടോബർ 11ന് രാവിലെ 10 മണിക്കും ആയിരിക്കും സമ്മേളനങ്ങൾ നടക്കുക.
“എന്റെ വചനത്തിൽ നിലനിൽക്കുന്നുവെങ്കിൽ, നിങ്ങൾ യഥാർത്ഥത്തിൽ എന്റെ ശിഷ്യന്മാരാണ്” (യോഹ.8:31) എന്ന ബൈബിൾ വചനത്തെ ആസ്പദമാക്കി “ശിഷ്യത്വത്തിലേക്കുള്ള വിളി” എന്നതാണ് കൺവെൻഷന്റെ പ്രധാന ചിന്താവിഷയം. യുവജനങ്ങളുടെ ആത്മീയ വളർച്ചയ്ക്കും സാമൂഹിക പ്രതിബദ്ധതയ്ക്കും പ്രചോദനം നൽകുക എന്ന ലക്ഷ്യത്തോടെയാണ് പരിപാടി സംഘടിപ്പിക്കുന്നത്. വികാരി റവ. എബ്രഹാം വി. സാംസൺ, അസിസ്റ്റന്റ് വികാരി റവ. ജെസ്വിൻ ജോൺസൺ, കൺവീനർ ശ്രീ. സിബി മാത്യു എന്നിവരുടെ നേതൃത്വത്തിലാണ് കൺവെൻഷന്റെ ഒരുക്കങ്ങൾ.
കൂടുതൽ വിവരങ്ങൾക്ക്:
214 886-4532 (വികാരി) ;
214 983-1684 (അസ്സി.വികാരി);
214 971-3828 (കൺവീനർ).
