ഐപിസി ലണ്ടൻ സഭയുടെ 16-ാമത് വാർഷികാഘോഷം ഒക്ടോ. 18-ന്
ലണ്ടൻ: ദി ഇന്ത്യ പെന്തക്കോസ്ത് ചർച്ച് ഓഫ് ഗോഡ് (IPC) ലണ്ടൻ സഭയുടെ 16-ാമത് വാർഷികാഘോഷം 2026 ഒക്ടോബർ 18 ഞായറാഴ്ച ഉച്ചകഴിഞ്ഞ് 2 മണിക്ക് ലണ്ടനിലെ 91 ഹെസ്റ്റൺ റോഡ്, ഹൗൺസ്ലോ, TW5 0QR എന്ന വിലാസത്തിലുള്ള സഭാ ഹാളിൽ വെച്ചു നടത്തപ്പെടും. പാസ്റ്റർ ജേക്കബ് ജോർജ്, പാസ്റ്റർ സാംസൺ ഡാനിയേൽ, ഇവാ. സാം തോമസ്, ഇവാ. ജോബി ജോർജ് എന്നിവർ മുഖ്യ അതിഥികളായിരിക്കും.
സഭയുടെ വിവിധ ശുശ്രൂഷാ വിഭാഗങ്ങളായ PYPA (പെന്തക്കോസ്ത് യുവജന സംഘടന), സൺഡേ സ്കൂൾ, ലേഡീസ് മിനിസ്ട്രി എന്നിവയും വാർഷികാഘോഷത്തിന്റെ ഭാഗമാകും. വിശ്വാസികളെയും കുടുംബങ്ങളെയും അഭ്യുദയകാംക്ഷികളെയും വാർഷിക സമ്മേളനത്തിൽ പങ്കുചേർന്ന് അനുഗ്രഹം പ്രാപിക്കാനും ദൈവത്തോടുള്ള നന്ദിയും കൂട്ടായ്മയും പങ്കിടാനും സഭാ നേതൃത്വം ക്ഷണിച്ചിട്ടുണ്ട്.
