ചരിത്രത്തിൽ ഇന്ന്

സെപ്റ്റംബർ (SEPTEMBER) 1

രണ്ടാം ലോക മഹായുദ്ധത്തിന്റെ തുടക്കം

1939 സെപ്റ്റംബർ 1-ന്, അഡോൾഫ് ഹിറ്റ്ലറുടെ നേതൃത്വത്തിലുള്ള നാസി ജർമ്മനി 1939 സെപ്റ്റംബർ 1-ന് പോളണ്ടിലേക്ക് സൈനികാക്രമണം നടത്തി. അങ്ങനെ ലോക മഹായുദ്ധത്തിന്റെ തുടക്കം കുറിക്കുന്നത്. ഈ ആക്രമണത്തോടെ യൂറോപ്പിൽ ആരംഭിച്ച സംഘർഷം പിന്നീട് ലോകത്തിന്റെ പല ഭാഗങ്ങളിലേക്കും വ്യാപിക്കുകയും ഏകദേശം ആറു വർഷം നീണ്ടുനിൽക്കുകയും ചെയ്തു.
ജർമ്മൻ സൈന്യം കര, വ്യോമ, നാവിക ശക്തികൾ ഉപയോഗിച്ച് പോളണ്ടിനെ ആക്രമിച്ചു. ജർമ്മനി അതിവേഗ സൈനിക മുന്നേറ്റത്തിന് “Blitzkrieg” (മിന്നൽ യുദ്ധം) എന്ന തന്ത്രം പ്രയോഗിച്ചു. പോളണ്ടിന്റെ സംരക്ഷണത്തിനായി ബ്രിട്ടനും ഫ്രാൻസും ജർമ്മനിക്കെതിരെ യുദ്ധം പ്രഖ്യാപിച്ചു. 1939 സെപ്റ്റംബർ 3-ന് ബ്രിട്ടനും ഫ്രാൻസും ജർമ്മനിക്കെതിരെ യുദ്ധം പ്രഖ്യാപിച്ചതോടെ പ്രാദേശിക സംഘർഷം വലിയ യൂറോപ്യൻ യുദ്ധമായി മാറി. ഹിറ്റ്ലറുടെ നാസി ഭരണകൂടം ജർമ്മനിയുടെ പ്രദേശം വികസിപ്പിക്കാനും യൂറോപ്പിൽ ജർമ്മൻ ആധിപത്യം സ്ഥാപിക്കാനും ശ്രമിച്ചിരുന്നു. ഒന്നാം ലോകമഹായുദ്ധത്തിനു ശേഷം ജർമ്മനിയിൽ ഉണ്ടായിരുന്ന രാഷ്ട്രീയ-സാമ്പത്തിക അസന്തോഷവും നാസി വിപുലീകരണ നയവും ഈ ആക്രമണത്തിന് പിന്നിലെ പ്രധാന ഘടകങ്ങളായിരുന്നു.
ആക്രമണത്തിന് തൊട്ടുമുമ്പ് ജർമ്മനിയും സോവിയറ്റ് യൂണിയനും Molotov–Ribbentrop Pact എന്ന അനാക്രമണ ഉടമ്പടിയിൽ ഒപ്പുവെച്ചിരുന്നു. അതിന്റെ രഹസ്യ വ്യവസ്ഥകൾ പ്രകാരം പോളണ്ടിന്റെ പ്രദേശം ഇരുരാജ്യങ്ങളും തമ്മിൽ വിഭജിക്കാനുള്ള പദ്ധതിയും ഉണ്ടായിരുന്നു. തുടർന്ന് സോവിയറ്റ് സൈന്യവും 1939 സെപ്റ്റംബർ 17-ന് കിഴക്കൻ പോളണ്ടിലേക്ക് പ്രവേശിച്ചു.

യുദ്ധം ക്രമേണ യൂറോപ്പിന് പുറത്തേക്കും വ്യാപിച്ചു. ജർമ്മനി, ഇറ്റലി, ജപ്പാൻ എന്നിവ ഉൾപ്പെട്ട Axis Powers-നും ബ്രിട്ടൻ, ഫ്രാൻസ്, സോവിയറ്റ് യൂണിയൻ, പിന്നീട് അമേരിക്ക തുടങ്ങിയ Allied Powers-നും തമ്മിലുള്ള വലിയ ആഗോള യുദ്ധമായി ഇത് മാറി. 1945-ൽ ജർമ്മനിയുടെയും ജപ്പാന്റെയും പരാജയത്തോടെ രണ്ടാം ലോകമഹായുദ്ധം അവസാനിച്ചു. രണ്ടാം ലോകമഹായുദ്ധം മനുഷ്യചരിത്രത്തിലെ ഏറ്റവും വലിയതും വിനാശകരവുമായ യുദ്ധങ്ങളിലൊന്നായിരുന്നു. കോടിക്കണക്കിന് ആളുകൾ കൊല്ലപ്പെട്ടു, നിരവധി നഗരങ്ങളും രാജ്യങ്ങളും തകർന്നു, കൂടാതെ ഹോളോകോസ്റ്റ് പോലുള്ള മനുഷ്യരാശിക്കെതിരായ അതിക്രൂരമായ കൂട്ടക്കൊലകൾ നടന്നു.

മറ്റു പ്രത്യേകതകൾ

ആരാധനാ വർഷത്തിന്റെ തുടക്കം (Ecclesiastical New Year) ഓർത്തഡോക്സ് സഭകളുടെ പുതുവർഷം: കിഴക്കൻ ഓർത്തഡോക്സ് സഭകൾ (Eastern Orthodox Church) തങ്ങളുടെ കൗദാശിക കലണ്ടർ അഥവാ ആരാധനാവർഷം ആരംഭിക്കുന്നത് സെപ്റ്റംബർ 1-നാണ്. നാലാം നൂറ്റാണ്ടിൽ കോൺസ്റ്റന്റൈൻ ചക്രവർത്തിയുടെ കാലം മുതൽക്കേ ഈ പാരമ്പര്യം നിലവിലുണ്ട്.

യേശുവിന്റെ പരസ്യശുശ്രൂഷാ പ്രഖ്യാപനം:
പാരമ്പര്യമനുസരിച്ച്, യേശുക്രിസ്തു നസ്രായെതിലെ സിനഗോഗിൽ പ്രവേശിച്ച് ഏശയ്യാ പ്രവാചകന്റെ പുസ്തകം എടുത്തു വായിച്ചുകൊണ്ട് തന്റെ പരസ്യശുശ്രൂഷ പ്രഖ്യാപിച്ച ദിവസം (ലൂക്കാ 4:16-22) സെപ്റ്റംബർ 1 ആണെന്ന് വിശ്വസിക്കപ്പെടുന്നു.

ആഗോള പ്രാർത്ഥനാദിനം: പ്രപഞ്ചസൃഷ്ടിയെ ഓർമ്മിക്കുന്നതിനും പരിസ്ഥിതി സംരക്ഷണത്തിനുമായി ക്രിസ്ത്യാനികൾ ഈ ദിവസം ‘സൃഷ്ടി ദിനം’ (Creation Day) അല്ലെങ്കിൽ ‘പ്രപഞ്ച സംരക്ഷണത്തിനായുള്ള ലോക പ്രാർത്ഥനാ ദിനം’ ആയി ആചരിക്കുന്നു.

യോശുവ (Joshua): പഴയനിയമത്തിലെ പ്രവാചകനും ഇസ്രായേൽ ജനത്തിന്റെ നേതാവുമായിരുന്ന യോശുവയുടെ ഓർമ്മദിനമായി ഓർത്തഡോക്സ് സഭകൾ ഈ ദിവസം ആചരിക്കുന്നു.